哈！政府派糖！

今次終於有番 d Jack So！

情況罕有，竟感動流涕....不知所云....

.....嗚嗚！不枉多年努力進貢......

想起昨日到街市買菜！係街市，係普羅大眾既街市，唔係超市，買半份西芹、兩隻苦瓜，盛惠23大洋......

嘩！好貴呀！

乜 d 野真係貴左咁多？又抑或本來如此？(當然，相對係Threesixty 50蚊只可以買幾條有機菜，這裡的算是便宜，但那又不是我可以消費的)

咁......平日飲既 5 疏汁(青蘋果、西芹、青椒、青瓜、苦瓜)咪好貴一杯囉？？？....

唔知？唔敢問！

回家賓姐問：How much？

20 dollars。(我竟然打左自己 3 蚊斧頭)

她笑。沒反應。我溜。

係我俾人搵笨定係 d 野真係咁貴？？

呀！講遠了！其實只想說政府取消外傭稅2年，好開心，以為可以慳番幾千銀喇！

點知唔係！要繼續俾！9月1號簽既新約先有效！

0下！咁既？？？

如果賓姐約滿我又不再請外傭的既話，咪一條毛著數都無？？？

嗚嗚嗚.....

高興得太早了！

感動流涕也太冤枉了！

唉唉唉！這個政府真懶惰，淨係自己的行政方便，無乜0下民間實況！

成日好心做傻事！睇眼前....

派糖都重要俾人鬧！可憐呀！

噫！可憐既好似係我喎！

當然，還有個班被迫游離，等9月才簽約的外傭啊！