這是一件真實的事。

人物：安記、安記弟弟、茶餐廳服務員及客人幾個.....

安弟請安記老姐下午茶，有事共商。

安姐先到，肚餓，先點吃！

突然震聲雷動，就像在頭頂轟炸一樣，原來大業主裝修鑽場打洞，今天就在隔壁，剛才無聲，只因工人大佬放飯！

見這樣情形，就致電安弟，說這裡太吵，不宜談事，叫他轉移陣地，但我因點了食物，吃完才過去找他。

其時，餐廳內客人逐漸埋單，只剩我一人。

其他服務員都相繼消失，只有收銀和一伙計看著我。

很快，點的米粉來了！

吃之哉喇！嘻嘻！

突然見弟在餐廳大玻璃外一閃，說時遲、那時快，就坐在我對面，叫：

你係咪傻架！咁嘈都重可以坐係度食野！唉！我先去華記，你快 d 過來！頭都痛晒.....

他就轉身出去了！

我就趕快吃完鬆人，與弟會合。

弟問：究竟你知唔知道隔離拆緊樓、鑽緊牆架？

知！聽到聲咪知囉！

弟：哦！原來你聽到！但你個樣好滋陰、好享受咁係度食緊野喎？

係？！

弟：如果唔係見你咁樣，我就唔會入去搵你喇！重以為 d 聲係小兒科！點知！賴正！唔夠兩秒，頭都嗡埋兼痛.......

你好好地搵個醫生檢查下！......

正常人無可能係咁既環境下悠然自在吃米粉！！！

噢.....

細佬呀！電台訪問你果陣，你咪講過乜野風景不轉心境轉，一套超然物外咁格，你無理由唔理解個喎！

弟：呵！唔好意思，無諗過自己個老家姐係世外高人！失覺晒失覺晒！

丫！

其實，真係唔知點解可以當無野！係知道好嘈！隆轟隆轟的.......

但，嘈是嘈，米粉是米粉！無衝突架？！係咪？